| Description (Repository) |
[[[[[westch403. Confirmation by Nicholas son of Geoffrey to Robert of Croxley for his homage and service, of his whole office of summoner in the abbey, with a monastic corrody and all other appurtenances, to be held by Robert and his heirs of Nicholas and his heirs in perpetuity, by service of 4d. annually. Gersum of £5. [Temp. John; post.24 June 1209]
Sciant presentes et futuri quod ego Nicolaus filius Gaufridi dedi et concessi et hac presenti carta mea confirmavi Roberto de Crokesle pro homagio et servicio suo totum ministerium meum quod habui in Abbacia Westmonasterii, scilicet ministerium summonicionis cum corredio monacali et cum omnibus aliis pertinenciis sine aliquo retenemento; habendum et tenendum de me et heredibus meis ipsi Roberto et heredibus suis bene et in pace, libere et quiete, integre et plenarie inperpetuum, per liberum servicium quatuor denariorum per annum pro omni servicio, reddendum ad duos terminos anni, scilicet: ad Pascham duos denarios, et ad Festum Sancti Michaelis duos denarios. Et ego Nicolaus et heredes mei warantizabimus predicto Roberto et heredibus suis totum predictum ministerium cum omnibus pertinenciis contra omnes homines et feminas per predictum servicium. Et pro hac donatione et concessione et warantizatione et carte mee confirmatione predictus Robertus dedit mihi in gersumam centum solidos esterlingorum. Et ut hec mea donatio et concessio rata sit et stabilis permaneat, earn sigilli mei appositione roboravi. Hiis testibus: Ricardo de Dol; Odone aurifabro; Ricardo Testard; Adam de Westmonasterio; Galfrido camerario; Stephano de Berkinge ; Roberto de Rokingeham; Henrico Sumer; Johanne de Abendona; Ricardo filio Edmundi; Gaufrido de Claigate; Roberto de Claigate, et multis aliis.
MS: WAM 5789.
20 x 9.8 cm; t.u. 1.7 cm.
Seal: on tag; green; 3.3 x 3.8 cm; eagle, facing right; legend: + SIGILL' NICOL' FIL' GAUFRIDI.
Endorsed: Carta Nicholai filij Gaufridi de toto ministerio suo quod habuit in Abbatia Westmonasterii, scilicet ministerium summonicionis cum corrodio monacali et omnimodis alijs pertinenciis, Roberto de Crokesle concesso (14C). |