cartulary of missenden abbey
752 Quitclaim to the abbey by richard derekin, grocer, of the right to those houses in the paris of st mary woolnoth which he held of the abbey and which were given to the abbye by ralf son of symon. For the quitclaim the abbye gave him 20 silve marks. [1252]
#00130752 [Back] 1252
Sciant presentes et futuri quod ego Ricardus speciarius de London demisi et quietumclamaui fratri Rogero abbati de Messend et eiusdem loci conuentui totum ius meum quod habui in illis domibus cum pertinentiis in London in parochia Sancte Marie Wulnoth quas de dicta domo de Messendene tenui in feodo per cartam eiusdem domus et quas dicta domus habuit de dono Radulfi filii Symonis Quam uero cartam [dedi] predictis abbati et conuentui et eorum successoribus libere quiete integre bene et in pace extra me et heredes meos in liberam et finalem remissionem et quietam clamationem in perpetuum Ita etiam quod ego Ricardus predictus et heredes mei siue aliquis per nos uel pro nobis nullo modo poterimus nec debemus decetero habere ius uel clamium in dictis domibus cum pertinentiis nec aliquid inde exigere uel clamare in perpetuum Pro hac autem mea finali remissione et quietaclamatione dederunt michi predicti abbas et conuentus xx marcas argenti Et ut hec mea finalis remissio et quietaclamatio rata et stabilis in perpetuum permaneat presens scriptum sigilli mei impressione roboraui Hiis testibus domino Iohanne Triofano [Tulesan] tunc maiore Londoniense Thoma de Wynburn et Willelmo de Dunolm tunc uicecomitibus Thoma de Dunholme tunc aldermanno euisdem Warde Uincentio piperario Laurentio le cofrer Et aliis