| Description (Repository) |
432. Confirmation to the Lady Altar by Laurence Muschet, for his soul, and those of his parents and ancestors, of a rent of 6d., payable to the proctor, from the tenement which he holds of Roger Paschar' in the viii of Westminster, from a curtilage pertaining to that tenement. [Temp. John]
Sciant presentes et futuri quod ego Laurentius Muschet, divine pietatis intuitu, et pro redemptione animarum patris et matris mee, et omnium antecessorum meorum, dedi et concessi et hac presenti carta mea confirmavi Deo et altari Beate Virginis Marie de Westmonasterio redditum sex denariorum de tenemento quod teneo in villa de Westmonasterio de Rogero Paschar', videlicet: de curtilagio quod est in mora quod pertinet ad predictum tenementum, ex quo curtilagio debent predicti sex denarii provenire. Solvendum ei qui pro tempore dicti altaris custos fuerit, ad duos terminos anni a me et heredibus meis inperpetuum, videlicet: ad Pascham tres denarios, et ad Festum Sancti Michaelis tres denarios. Et ut hec donatio firma et stabilis futuris temporibus perseveret, presentis scripti testimonio et sigilli mei appositione eam corroboravi. Hiis testibus: Lodovico, clerico de Scac,cario; Odone aurifabro; Ricardo Testard; Roberto de Crokesle ; Stephano de Berking'; Galfrido de Cruce; Gervasio Purs'; Ricardo de celario; Nicholao de celario; Gerardo coco; Rogero Fot, et multis aliis.
MS: WAD, f. 562v.
Rubric: Carta Laurentii Muschet de redditu sex denariorum in Eye. |